Maannakkorpiaq aningaasarsiat 

Maannakkorpiaq aningaasarsiat inooqatigiinnut tunngasunut aningaasarsianut attuumassuteqartunut akilersuutinut naatsorsuinissamut atorneqartarput. Maannakkuugallartoq (septemberi 2018) meeqqanut tapiliussanut, ineqarnermut tapiissutinut siumoortunut- aamma utoqqalinersiutinut soraarnerussutisianut tunngasut pineqarput.

Kommuunit qaammatit tamaasa maannakkorpiaq aningaasarsiat nutaat aasarpaat kommuunimi akileraartartut tamaasa takusinnaallugit. Paasissutissat Akileraartarnermut Aqutsisoqarfimmiit aaneqartarput.

Aningaasarsiat maannakkorpiaq atuuttut qaammammut aaliangersimasut isertitanut A- aamma B-nut qaammatit 12-it ilanngaateqarlutillu naliginnaasunik ilanngaateqartassapput. Maannakkorpiaq aningaarsarsiat apriili 2018-imit akissarsiat qaammatinit majimit 2017-imit 2018-imut ingerlapput. Ilanngaatit naliginnaasut (septemberi 2018-imi) 10.000 koruuninik imaqarput.

Assersuut

Uani assersuummi isertitat A, B-unngitsut takuneqarsinnaapput.

  Maannakkorpiaq aningaasarsiat
Qaammat A-indkomst (Isertitat A) decemberi 2017 januaari 2018 februaari 2018 martsi 2018 apriili 2018 maaji 2018 juuni 2018 juuli 2018
januaari 2017 31.621 31.621              
februaari 2017 25.191 25.191 25.191            
martsi 2017 25.191 25.191 25.191 25.191          
apriili 2017 25.431 25.431 25.431 25.431 25.431        
maaji 2017 25.431 25.431 25.431 25.431 25.431 25.431      
juuni 2017 25.431 25.431 25.431 25.431 25.431 25.431 25.431    
juuli 2017 25.431 25.431 25.431 25.431 25.431 25.431 25.431 25.431  
augusti 2017 50.295 50.295 50.295 50.295 50.295 50.295 50.295 50.295 50.295
septemberi 2017 26.431 26.431 26.431 26.431 26.431 26.431 26.431 26.431 26.431
oktoberi 2017 26.431 26.431 26.431 26.431 26.431 26.431 26.431 26.431 26.431
novemberi 2017 28.863 28.863 28.863 28.863 28.863 28.863 28.863 28.863 28.863
decemberi 2017 26.431 26.431 26.431 26.431 26.431 26.431 26.431 26.431 26.431
januaari 2018 33.439   33.439 33.439 33.439 33.439 33.439 33.439 33.439
februaari 2018 28.863     28.863 28.863 28.863 28.863 28.863 28.863
martsi 2018 31.295       31.295 31.295 31.295 31.295 31.295
aprili 2018 30.687         30.687 30.687 30.687 30.687
maaji 2018 35.855           35.855 35.855 35.855
juuni 2018 36.039             36.039 36.039
juuli 2018 26.431               26.431
Isertitat A piffissami tamakkiisumik kisillugit 342.178 343.996 347.668 353.772 359.028 369.452 380.060 381.060
Ilanngaatit naliginnaasut   -10.000 -10.000 -10.000 -10.000 -10.000 -10.000 -10.000 -10.000
Piffissami isertitat atuuttut 332.178 333.996 337.668 343.772 349.028 359.452 370.060 371.060

Regneark

Minitassat

Ilaatigut maannakkorpiaq aningaasarsiarisat malittarisaq allaqqasoq malillugu ingerlaneq ajorput.

Taamak pisoqartillugu ass. nunami allami aningaasarsiat, ass. Danmarkimit utoqqalinersiat Danmarkimit utoqqalinersianut ingerlatsivimmeersut tiguneqarsinnaanavianngillat paasissutissat amigarpata imaluunniit allatigut allaffissornikkut unamminartoqarpat.

Minitassanut assersuutit

“Maannakkorpiaq aningaasarsiat” pillugit nassuiaat

Qaammatip 06 2017-ip tungaanut maannakkorpiaq aningaasarsiat “naliginnaasumik” ingerlapput - tassa qaammatit 12-it aningaasarsiffiusut tunngavigineqarmata. 06 2017-imeersoq kingulleq aningaasarsianut piffissami 07-2016-imeersumit 06-2017-imeersumut tunngaveqarpoq.

Marts 2016-imi immikkut ittumik qaammammut aningaasarsiat annertussuseqarput 206.909 koruuninik annertussuseqarlutik. Imaassinnaavoq akissarsianik naleqqussaanermi piffissami sivisuumi ingerlareersumit inernerusoq qaammammilu tassani tiguneqarsimassasut. Aningaasarsiat taakku annertuut “maannakkorpiaq aningaasarsiat” qaammatip 02-2017-ip tungaanut ingerlasut sunnerpai. Qaammammi 03-2017-imi maannakkorpiaq aningaasarsiat qaammatini 04-2016-imit 03-2017-imut piffissami qaammammusiarineqartartut tunngavigai - taamaammat marts 2016-imi aningaasarsiat qaffasissut piffissamit tassanit sunniuteqarunnaarnikuupput.

Qaammammi 07-2017-imi Akileraartarnermut Aqutsisoqarfik paasitinneqarpoq Danmarkimit tigusisoqartartoq - immaqa pensionskasse-mit. Paasissutissat taamaattut ukiumut ataasiaannaq takkuttarput - aningaasarsiallu allat assiginagit qaammatikkaartumik ingerlanatik. Danmarkimit tigusassat pineqartillugit naatsorsuineq “maannakkorpiaq aningaasarsianut” ilaatigut ilaaneq ajorpoq qaammatit 12-it aningaasarsiarineqartut tunngavigineqarneq ajormata. Taamaattoqartillugu “aningaasarsiat akileraarusigassat nalunnginneqartut kingulliit” uterfigineqartarput. Tassa imaappoq “maannakkorpiaq aningaasarsiat” 454.445 koruuninik naleqartut 2016-imit akileraaruteqarfigineqartussat inissinneqassasut. Malugiuk immikkooruteqartumik marts 2016-imi tigusat peqqutaallutik qaffasissumik inerneqarnera.

Qaammammi 07-2018-imi suli Danmarkimit aningaasarsisoqartarpoq taamaattumillu ““aningaasarsiat akileraarusigassat nalunnginneqartut kingulliit” atorneqartariaqarlutik. Maannalu aningaasarsiani akileraarutissani 2017-imeersut kingullertut takuneqarsinnaapput. Taamaammat “maannakkorpiaq aningaasarsiat” inerneri 148.047 koruuninngussapput.

Inooqatigiinni tapisianik naatsorsuineq

Maannakkorpiaq aningaasarsiat aningaasarsiaqarnerup piffissaata naaneranit qaammatip ataatsip missaa qaangiukkaangat takuneqarsinnaalertarput. Ass. apriili 2018-imit maannakkorpiaq aningaasarsiat juunip aallaqqaataanit 2018-imit takuneqarsinnaalissapput.

Inooqatigiinni tapisiat naliginnaasumik qaammat sioqqullugu naatsorsorneqartarput. Tassa imaappoq tapisiat juuli 2018-imeersut juuni 2018-imi naatsorsorneqassasut. Imaappoq maannakkorpiaq aningaasarsiani apriilimeersunit 2018-imi takuneqarsinnaassasoq siulliulluni juunimi tapisiat naatsorsorneqarneranni. Taamaattumik juuli 2018-imi tapisiat naatsorsorneqarnerini maajimi 2017-imi aningaasarsiat ilanngunneqassapput.

Skiimami soorlu takuneqarsinnaavoq aningaasarsiat maannakkorpiaq atuuttut naatsorsorniaraanni aningaasarsiat ukioq ataaseq sinnerlugu tiguneqarnikut takuneqarsinnaassasut. Juuli 2018-imi tapisiani aningaasarsiat maaji 2017-imeersut takuneqarsinnaapput.

Inooqatigiinnut akilersuutinut naatsorsuineq

Maannakkorpiaq aningaasarsiat ingerlaarnerisa naanerisa miss. qaangiukkaangata ingerlalertarpoq. Ass. apriili 2018-imit juunip aallaqqaataanut 2018-mut ingerlassaaq.

Inooqatigiinnut akilersuutit naliginnaasumik siumut suliarineqartarput. Tassa ass. juulimi 2018-imi ingerlasussaq juunip ingerlanerani 2018-imiakilersuutissat naatsorsorneqassallutik. Maannakkorpiaq aningaasarsiat apriili 2018-imitatorneqalissapput akilersuutit juulimi 2018-imi naatsorsorneqassappata.

Takusinnaasatsitut skiimami aningaasarsiat naatsorsukkat ukiumik ataatsimit utoqqaassusillit maanna isertitani takuneqarsinnaapput. Juulimi 2018-imi aningaasarsiat iluanni maaji 2017-imi aningaasarsiat takuneqarsinnaapput.

Qaammatikkaarlugit naleqqussaanerit

Maannakkorpiaq aningaasarsiat naliginnaasumik qaammammiit qaammammut nikerartarput. Inooqatigiinnut tunngatillugu akilersuutit qaammatit tamaasa allanngortinneqarnissai pinngitsoorniarlugit malittarisassamik sanasoqarnikuuvoq akilersuutit maanna atuuttut allanngorpallaannginniassammata. Ass. procenti aaliangersimasoq allanngorsimassaaq akilersuutit allanngussappata. Maannakkuugallartoq 5%-iussaaq annerulluniluunniit.

Assersuut (procentilerlugu = 10%)

Maannakkorpiaq aningaasarsiat qanoq naatsorsorneqassappat?

Kommuunit maannakkorpiaq akilersuutit kisiisa paasisarpaat. Taamaammat kommuunit qanorpiaq maannakkorpiaq aningaasarsiat naatsorsorneqarneri paasineq ajorpaat. Akileraartarnermut Aqutsisoqarfiukisimi nalunngilaa kisitsisit qanoq ilillutik taamatut isikkoqalersimanersut. Malittarisassat ataatsimut isigalugit annertorpasipput.

Maannakkorpiaq aningaasarsiat pillugit apeqqutissaqaruit Akileraartarnermut Aqutsisoqarfimmut tutsaqarsinnaavutit: tax@nanoq.gl tlf. 34 65 00.

Suut “maannakkorpiaq aningaasarsiat” aamma “aningaasarsiat akileraarusigassat” assigiinngissutigivaat?

Siusinnerusukkut “aningaasarsiat akileraarusigassat” inooqatigiinni tapisiat naleqqussarneqartillugit atorneqartarnikuuvoq. Sulili “aningaasarsiat akileraarusigassat” atorneqartarput (december 2018-imi), ass. paaqqinnittarfinni akigititat naleqqussarneqassatillugit atorneqartarlutik.

“Maannakkorpiaq aningaasarsiat” aamma “aningaasarsiat akileraarusigassat” assigiinngiffiini pingaarnerit ukuupput:

  • Aningaasarsiat akileraarusigassat ukiumoortumik aalajangerneqartarput, maannakkorpiaq aningaasarsiat qaammatikkaarlugit aaliangerneqartarlutik
  • Aningaasarsiani akileraarusigassani pisortaqarfinnit ikiorneqarnissaq ilaareerpoq; maannakkorpiaq aningaasarsiani tamakku ilaanngillat
  • Aningaasarsiat akileraarusigassat akileraarusiinermut tunngasunik ilanngaavigineqarsinnaapput, maannakkorpiaq aningaasarsiat taamaallaat assigiissaartumik ilanngaavigineqarsinnaallutik
  • Aningaasarsiat akileraarusigassat ukiumut aningaasarsianit naggammik naatsorsuinermi nassuiarneqarpoq sulisitsisuniillu A11-mik paasissutissanik pisinnaanerit ilaallutik.  

Maannakkorpiaq aningaasarsiat naliginnaasumik nassuiarneqarneq ajorput. Akileraartorli Akileraartarnermut Aqutsisoqarfimmut saaffiginnilluni nassuiaammik pisinnaavoq.

“Maannakkorpiaq aningaasarsiat” inatsimmi ataani allaqqasumi aalajangerneqarnikuupput, “aningaasarsiat akileraarusigassat” aningaarsiani akileraartarnermut inatsimmi aalajangerneqarnikuullutik.

Inatsisinut innersuussineq

Procenti aaqqiissutissaq aamma maannakkorpiaq aningaasarsiat pillugit Inatsisartut inatsisaat nr. 9, 1. juni 2017-imeersoq