§1

Suliniutinut suleqatigiissitat Kommuneqarfiit ataatsimoorlutik qarasaasiatigut suleqatigiiffiannit pilersinneqartarput/ atorunnaarsinneqartarput.

§2

Kommuneqarfiit ataatsimoorlutik qarasaasiatigut suleqatigiiffiat suliniutinut suleqatigiissitanut ataasiakkaanut suliassat nassuiaataannik allassimanik suliaqartarpoq.

§3

Kommuneqarfiit ataatsimoorlutik qarasaasiatigut suleqatigiiffianni kommunini ilaasortaasuni aqutsisoqarfiit aamma/imaluunniit immikkoortortat pingaarutillit iluini sulisuusut akornanni suliniutinut suleqatigiissitat ilaasortassaat Kommuneqarfiit ataatsimoorlutik qarasaasiatigut suleqatigiiffiannit toqqartorneqartarput. Suliniutinut suleqatigiissitat ilaasortat sapinngisamik ilisimasanik sammisanik piginnaasaqarfiusunik sinniisuusussaassapput, tassalu sammisaqarfimmut pineqartumut "Pitsaanerpaatut periuserisartakkamut" soorlulusooq "Periuserisaq atugaanerpaamut" tungasuusunik. Tamatuma saniatigut suliassat aalajangersimasut aaqqiiviginissaannut pisariaqartinneqartutut nalilerneqarpat suleqatigiissitat namminneq aqutsisoqarfinnit aamma/imaluunniit sammisaqarfinnit ilaasortaagallartussanik toqqaasinnaapput.

§4

Suliassatut nassuiaammut aalajangiussamut naleqqiullugu suliassat isumaginissaannut pisariaqartitatut qarasaasiat tungaatigut ilisimasassanik pisariaqartitatut annertussusilikkamik naliliisoqarneratigut suliniutinut suleqatigiissitat ilaasortaasa pilersuiffiginissaannik Kommuneqarfiit ataatsimoorlutik qarasaasiatigut suleqatigiiffiata isumannaassavaa.

§5

Siulittaasussamik toqqaaneq aqqutigalugu suliniutinut suleqatigiissitat siullermik ataatsimiinnerminni inissitsitissapput.

§6

Suliniutinut suleqatigiissitani taasisinnaasut taamaallaat aalajangersimasutut ilaasortaapput. Suliniutinut suleqatigiissitani aalajangiussinerit malittarisassat naapertorlugit tamarmiusunit akuersissutigineqassapput. Apeqqutini pingaarutilinni isumaqatigiinngitsoqartillugu pineqartoq Kommuneqarfiit ataatsimoorlutik qarasaasiatigut suleqatigiiffianut saqqummiunneqassaaq.

§7

Suliniutinut suleqatigiissitat suliassaat tunisassianik aamma/imaluunniit teknologiinik piviusunik toqqaanissamik imaqarpata tamanna Kommuneqarfiit ataatsimoorlutik qarasaasiatigut suleqatigiiffiata aamma Kommuneqarfiit ataatsimoorlutik qarasaasiatigut ataatsimiititaliaata allaffeqarfianik pilersuisut pingaarutillit isumaqatigiissuteqarfigisimasai qanimut suleqatigalugit pissaaq.

§8

Kommuneqarfiit ataatsimoorlutik qarasaasiatigut ataatsimiititaliap ataani suliniutinik suleqatigiissitanik allanik suleqatigissinnaanermut pisariaqartitsineq suliniutinik suleqatigiissitat nalilersortuassavaat, taamaassappallu taamatut suleqatigiinnermik pilersitsissallutik.

§9

Ataatsimiinnerit tamarmik kingorna kingusinnerpaamik ullut 14-it qaangiutsinnagit Kommuneqarfiit ataatsimoorlutik qarasaasiatigut ataatsimiititaliap allattoqarfianut suliniutinik suleqatigiissitani ataatsimiinnernit tamanit killiffinnut allattukkat nassiunneqartassapput. Suliniutinik suleqatigiissitat suliaat pillugit Kommuneqarfiit ataatsimoorlutik qarasaasiatigut ataatsimiititaliaata ilaasortai ataavartumik paasisitsivigineqartassapput Qarasaasiaqarnermut ataatsimiititaliap nittartagaani ilaasortaasut iserfigisinnaasaanni suliniutinut suleqatigiissitat ataasiakkaat ataatsimiinnerisa imaqarniliaanik Kommuneqarfiit ataatsimoorlutik qarasaasiatigut ataatsimiititaliap allattoqarfiata inissitsiterisarneratigut.

§10

Kommuneqarfiit ataatsimoorlutik qarasaasiatigut ataatsimiititaliap aningaasartuutissatut missingersuusiat akuerisaasa ilaannut naleqqiullugu suliniutinut suleqatigiissitat suliaannut aningaasartuutit tamarmik Kommuneqarfiit ataatsimoorussatut Ineriartortitsinissamut agguaassassaannit akilerneqartassapput.

§11

Taamatut 2. april 2001-imi  Kommuneqarfiit ataatsimoorlutik qarasaasiatigut ataatsimiititaliap ataatsimiinnerani akuersissutigineqarpoq.

Suliniutinut suleqatigiissitat sulinerannut tunngavigisat Suliniutinut sammisanullu suleqatigiissitat Suliassarisaanni nassuiarneqarpoq, PDF-formatinngorlugulu tamakkiisumik nassaarineqarsinnaavoq uani.