Power BI 

Microsoft Power BI Desktop-imut tunngasoq

KOMLIS-imi PowerPivot atorlugu maannamut Excel 2010/2013/2016 atorneqartarsimavoq. Excel-inut ark-it taakku atornissaannut tulluarsakkat killissaminnut pisimapput ark-ilu ineriartortinneqassappat Microsoft-imi sanaanit akeqanngitsunit allanit ingerlanneqartariaqassallutik. Power BI nutaaliaanerusuni allani pineqarsinnaavoq, Microsoft BI Desktop-ili kisimi nutaalianut allanut sanilliutissagaanni akeqanngitsumik pineqarsinnaalluni. Aqqusersuinermi ajoqutaasinnaasoq tassaavoq kinaassusermik immersuisariaqarneq. Taanna peqqutaalluni aqqusersuineq nammineerluni kommunippit teknikkikkut immikkoortortaqarfiani suliarineqarsinnaanngilaq.

Power BI Microsoft-imi sanaajuvoq nalunaarsuutinik tabelikkut, diagrammikkut nunallu assinganik saqqummiinermut atorneqartarluni.

Power BI Desktop-i qallunaatut (tuluttut aamma ajunngilaq) aqqusersuinermik immersuiffiginissaa pisariaqarpoq imatullu suliarineqarsinnaalluni: 

Kommunini IT-mut immikkoortortaqarfiit attaveqarfigissavat qanittumi atortumik diskimik aqqusersorniassammatsit tassani Managed Applications nassaarineqarsinnaammata.

  • Taamaanngippat programmi download-issavat. 100 Mb miss.uani annertugigaaq
  • https://www.microsoft.com/da-DK/download/details.aspx?id=45331 (linki nutaaq)
  • Qarasaasiannili nammineerlutit aqqusersuinissamut pisinnaatitaaffitit isumagissavatit
  • Qarasaasianni aqqusersuinissamut pisinnaatitaaffeqanngikkuit it-mi immikkoortortaqarfinnut attaveqassaatit

Power BI ark-inut nalunaarsuutit kommuninit nalunaarsuutinit aaneqassapput, ass. Winformatik-imit, Akileraartarnermut Aqutsisoqarfimmit akileraarutinut paasissutissat aamma akissarsiat aamma utoqqalinersianut nalunaarsuutit akissarsianut pingaarnernut tunngasut nalunaarsuutini pingaarnerni serverimut ingerlanneqassallutik. Tassani suliarinnittoqassaaq kommunini nalunaarsuutit naleqqiussisinnaaniassammata.

Kalaallit Nunaanni “pisortaqarfiit” ataqatigiimmik aaqqissuussaq AX2012 ERP atussallugu aaliangernikuuaat ilimagineqassaarlu Power BI aamma nalunaarusianut atortunut ataqatigiimmik aaqqissuussami tassani atorneqarnissaa.

Atorneqarnissaa pillugu paasissutissamerngit:

Ataatsimut isigalugu Power BI qinersinernik/tunngavinnillu immikkoortunik nalunaarsuinermullu immikkoortunik imaqarput.

Power BI-mi - assersuutigalugu suliffeqanngitsunut ark-i - qinigassanik imaqarpat ass. m (angutit) imaluunniit k (arnat) taaneqarsinnaappata tamarmik taaneqarsinnaanavianngillat.

Ammakkami taasassani periarfissat arlaliuppata nalunaarsuutit tamarmik (tabelit, diagrammit nunallu assii) ammakkami toqqakkani ingerlaartut malillugit nuisassapput.

Nalunaarsukkani toqqagassaniluunniit inissisimaffiit allanngortikkusukkukkit nammineq isumat atorlugu allanngortissinnaavatit.

Suliffeqanngitsunut ark-imi allaqqasoq “inuit BAL-imi qaammami suliffeqannginnermut eqqugaasuni” nuisasuni decimalit nuisapput. Tassani inuup ass. sumiiffimmit qaammatip ataatsip ingerlanerani nuussimanera peqqutaasinnaavoq. Ass. inuk taanna sumiiffinniit marlunnit nuukkuni 0,5 BAL-imik sumiiffia ersersinneqartassaaq.

Kukkunernut periarfissaasinnaasut:

Attaveqaatit nunalerutinut assinik atuinissannut killeqartitsisinnaavoq assit tamarmik online-qqalluni aaneqaannavittarmata.

Pikkorissarneq:

PowerBI-mut pikkorissarfissaq uani aaneqarsinnaavoq https://docs.microsoft.com/en-us/power-bi/guided-learning/

Programmip aanissaanut ikkussuut atugassaq:

https://www.microsoft.com/da-DK/download/details.aspx?id=45331 aassavat atillu aamma peqatigiiffik/suliffik allallugu.

Kommunini ikkussuinerit: Kommuninni disk-i aassavat Managed Application-ilu aallugu.

Nammineerlutit ikkussuisinnaanngilatit IT-mili immikkoortortaqarfik attaveqarfigisariaqassallugu.

Ikkussuinermut tunngatillugu kinaassusinnut tunngasunik paasissutissanik  immersuissaatit.